SEK Partilla Ideia Ho Grupu Kooperativu

0
65
Sekretáriu Estadu Kooperativa, Arsénio Pereira da Silva. Foto/SEDK.

DILI, (TATOLI) – Sekretáriu Estadu Kooperativa (SEK), hamutuk ho entidade, kamponés no grupu kooperativa seluk partilla modelu kooperativa, nune’e ideia sira ne’ebé iha sai hanesan pontu importante ne’ebé sei tau ba planu asaun SEK iha 2019.

“Tanba 2018 ne’e só para atu partilla de’it, atu hetan informasaun husi entidade hotu, produtór, kamponezes, kooperativa sira ne’ebé iha, sira-nia hanoin para tau iha planu asaun, tanba ita halo planu asaun ida, orsamentu ida tenke mai husi sira, mezmu programa Governu iha ona maibé ho planu asaun anuál ne’ebé nia planu atividade, orsamentu ba atividade depois atividade ne’e rezulta output saida”, Arsénio Pereira hatete iha ámbitu semináriu nasionál kooperativa ho tema kompartilla modelu kooperativa ho país amigu iha salaun Esperansa-Delta, ohin.

Husi output (saída) ne’e durante tinan ida nia laran ne’e nia autcome (rezultadu) saida para haree nia impaktu.

“Pelu menus ita bele sukat nia impaktu durante ita halo atividade, programa, ezekusaun orsamentu para haree nia rezultadu”.

Arsénio hatutan iha Governu ida ne’e liuliu SEK iha programa barak, maibé sei foku liu ba kooperativa produsaun mak kooperativa agríkola.

“Maioria ita-nia povu ne’e iha área rurál, sira iha rai, produtu, iha animál para atu haki’ak, maibé oinsá atu sira bele hamutuk sai tiha kooperativa produsaun ida. Ne’e mak durante ne’e ami la’o no ha’u bá ona iha Manatutu, Baukau, Aileu, Maubise, Manufahi no produtór sira ne’e halo deklarasaun ba kooperativa nian katak sira mak sei halo sai tiha kooperativa tanba Governu atu fasilita karik ema ne’e hamutuk la’os ida, rua para fasilita karik ho grupu boot para produsaun mós boot, ita sei bá to’o iha merkadu”, katak.

Nia esplika konseitu husi kooperativa ida ne’e nian katak koperativa produsaun agríkola husi leten to’o karik no karaik to’o leten ho signifika halo produsaun to’o pós-kolleta hodi bá to’o merkadu ne’ebé sei sai pakote ida.

“Tuir Governu nian kada tinan halo planu asaun no 2019 ne’e planu asaun ha’u sidauk halo tanba labale ha’u mak halo, tenke mai husi na’in ne’e mak povu, produtór sira ne’e mak na’in, tanba ne’e mak sira mai para partilla sira-nia hanoin, prodús saida, atu bá iha ne’ebé. Tanba ne’e mak atividade Sekretáriu Estadu nian ne’e bá vizita, akompaña hamutuk ho ekipa tékniku sira no ami halo polítika ba kooperativa nia dezenvolvimentu la’o ho di’ak”.

Jornalista: Maria Auxiliadora

Editora: Rita Almeida

HUSIK IDA HATÁN