OJE 2018 Bele Rekopera Ekonomia Nasaun

1
109
Xefe Unidade Misaun Timor-Leste, Indonézia no Austrália, João Mendes Gonçalves. Foto Espesiál.

DILI, (TATOLI) – Eis Ministru Ekonomia no Dezenvolvimentu, João Mendes Gonçalves, hatete Orsamentu Jerál Estadu (OJE) 2018 ne’ebé Governu husu ho montante billaun $1.279,6 iha fulan haat nia laran bele halo buat barak hodi rekopera ekonomia no selu dívida.

“Tanba duodésimu ne’e mai kobre to’o de’it fulan-agostu, ne’ebé setembru, outubru, novembru no dezembru sei iha. Iha fulan haat nia laran ne’e ita bele halo halo buat barak ona”, ekonomista timoroan ne’e katak iha Parlamentu Nasionál, ohin.

Xefe Unidade Misaun Timor-Leste, Indonézia no Austrália ne’e hatutan importante liu mak iha 2019 nian Governu tenke hahú prepara ona OJE 2019 ne’ebé sei sai importante liu para rekoperasaun ekonómika iha nasaun. “Maibé iha 2018 ne’e bele loke dalan ona para ita hahu rekoperasaun”.

João hatutan tan bainhira iha fulan hirak ne’e mak OJE 2018 implementa ho di’ak, halo jestaun ne’ebé di’ak maka komesa halo ona rekoperasaun ba ekonomia país nian.

“Selu dívida ne’ebé ita iha tanba ospitál balun iha rai-li’ur lakohi simu tan ita-nia ema moras, ne’e problema boot ida ba ita-nia povu liuliu sira ne’ebé mak kbiit-la’ek”.

Tanba ne’e OJE 2018 ne’e importante tebes no iha OJE 2019 Timor-Leste iha ona dalan di’ak hodi hakat bá oin.

Jornalista: Maria Auxiliadora

Editora: Rita Almeida

1 COMMENT

HUSIK IDA HATÁN