Heineken sei investe tan iha agrikultura

0
115
Ofisiál rekursu umanu HEINEKEN, Rita Maria Cairo Alves . Foto: Media RA

DILI (TATOLI)—Diretór Jerál Kompañia Heineken Timor, S.A, informa ona ba Primeiru Ministru, Taur Matan Ruak atu servisu hamutuk ho agrikultór sira, iha Timor-Leste.

Tuir Vinay Mathur, objetivu hosi servisu hamutuk ne’e mak atu dezenvolve ai-farina ba produsaun serveja.

“Ami iha konversa oi tuan ho Primeiru-Ministru no ami ko’alia konaba programa kompañia Heineken iha Timor-Leste no oinsá atu dezenvolve ai-farina ba produsaun serveja hanesan produsaun lokál no ami hakarak servisu hamutuk ho agrikultór sira no halo kooperasaun”, Diretór Jerál Kompañia Heineken Timor, S.A, Vinay Mathu  tenik ba jornalista sira, hafoin enkontru, foin lalais ne’e.

Asuntu seluk ne’ebé Heineken promete atu ajuda governu da-8 mak oinsá servisu hamutuk ho kompañia lokál sira atu solusiona resiklajen ba plástiku uzadu.

Ho vontade ne’ebé Heineken hatudu, Primeiru-Ministru, Taur Matan Ruak, dehan Heineken nafatin hakarak servisu hamutuk ho governu foun ne’e no halo parseiru di’ak liután no espera kreximentu ekonómiku iha Timor-Leste bele la’o di’ak.

Jornalista: Julia Chatarina

Editór : Manuel Pinto

HUSIK IDA HATÁN