“Ha’u prontu fó tomada posse”

0
487
Prezidente Repúblika, Francisco Guterres Lú Olo

DILI (TATOLI)—Prezidente Repúblika, Francisco Guterres Lu-Olo deklara nia prontu fó posse ba membru governu balun tan hodi kompleta estrutura governu da-8  nian, maibé la’ós kandidatu sira ne’ebé pendente hela.

“Kuandu kandidatu hirak ne’e mak substitui ona, ha’u prontu fó tomada posse, ida ne’e la iha problema,” Prezidente Lú Olo ba jornalista sira hafoin selebrasaun loron FALINTIL ba dala haat nulu resin tolu (43) iha Kuartél Jerál, FALINTIL-Forsa Defeza Timor-Leste (F-FDTL), Ohin.

Entretantu membru governu sira ne’ebé mak oras ne’e pendente mak hanesan Francisco Kalbuady Lay kandidatu ba Ministru Komérsiu Turizmu Indústria,  Antonio Verdial, kandidatu Ministru Interiór, Tomas Cabral kandidatu Ministru Administrasaun Estatál, Samuel Marçal kandidatu Ministru Planeamentu Estratéjiku, Sergio Lobo kandidatu Ministru Saúde, Helder Lopes, kandidatu Ministru Finansas.

Marcos da Cruz, kandidatu Ministru Agrikultura, inklui Vice Ministru Komérsiu Turizmu Indústria, Vice Ministru Estranjeiru no Kooperasaun.

Xefe Estadu mos konsidera katak impasse polítika ne’ebé la’o daudauk ne’e responsabilidade hosi Governu Aliansa Mudansa ba Progresu (AMP), la’ós Xefe Estadu nian.

“Kandidatu sia ne’ebé sei pendente, ida ne’e responsabilidade ka solusiona hosi partidu koligasaun nian, la’ós solusaun Prezidente Repúblika nian,” Xefe Estadu, Lu-Olo haktuir.

Jornalista : Zezito Silva

Editór : Manuel Pinto

HUSIK IDA HATÁN