Asosiasaun Investedór Enkontru ho PR Ba Situasaun Ekonomia

0
298
Portavóz Asosiasaun Investedór Nasionál (AIN), Rui Castro (klaran)

DILI (TATOLI)—Asosiasaun Investedór Nasionál (AIN), kuarta ne’e iha Palásiu Prezidente Nicolau Lobato, Bairru Pité, Dili, hala’o enkontru ho Prezidente-Repúblika (PR), Francisco Guterres Lú Olo, ko’alia kona-ba situasaun ekonomia rai laran iha periodu impase polítika.

AIN esplika ba Xefe-Estadu katak situasaun impase polítika ne’ebé akontese durante tinan ida resin fó impkatu ba estabilidade ekonomia rai laran, iha ne’ebé implika kapasidade kompras menus no empreza barak la hetan pagamentu hosi Governu.

Portavóz AIN, Rui Castro haktuir, Prezidente-Repúblika hatene di’ak situasaun ekonomia rai laran, tan ne’e, sei kontribui atu normaliza iha futuru.

“Ne’e situasaun grave. Tanba ne’e maka ami mai aprezenta ba Prezidente-Repúblika. Buat hotu sei rezolve, liu-liu liga ba orsamentu miloens $140 ne’ebé Governu husu, katak, se semana ida ne’e Tribunál Rekursu komunika buat ruma mai, Prezidente sei anúnsia no orsamentu jerál Estadu 2018 nian ho montante biliaun $1,2 ne’ebé Governu propoin, Prezidente husu ba deputadu sira atu deskuti ho kle’an, bele hetan solusaun,” Castro informa.

Jornalista: Xisto Freitas

Editór : Manuel Pinto

HUSIK IDA HATÁN