Primeiru-Ministru, Taur Matan Ruak, akompaña hosi membru governu sira partisipa diskusaun jeneralidade Orsamentu Jerál Estadu 2018 ba loron datoluk iha uma fukun Parlamentu Nasionál. Foto António Goncalves

DILI, (TATOLI) – Parlamentu Nasionál (PN), liuhosi sesaun plenária, ohin hahú debate proposta lei númeru 2/V (1a) Lei Orsamentu Jerál Estadu (OJE) 2018 iha faze espesialidade.

Tuir ajenda, diskusaun ne’e sei la’o durante loron lima, hahú ohin (31/8) to’o 7 setembru.

Iha rejimentu internu PN artigu 156 haktuir diskusaun no votasaun iha espesialidade labele liu husi loron 10 no organiza ho modu kontinua diskute orsamentu ba kada ministériu, ne’ebé involve reprezentante husi membru governu sira. 

Hafoin votasaun OJE 2018 ba jeneralidade iha kuarta kalan, Prezidente Parlamentu Nasionál (PPN), Arão Noe, hatete iha proposta 80 husi deputadu sira mak tama ona iha meza PN, no meza sei simu tan proposta to’o sesta dader antes debate iha espesialidade.

iha faze espesialidade ne’e, plenária hahú halo diskusaun no votasaun ba kada artigu ne’ebé kompostu husi artigu hamutuk 20 iha proposta OJE 2018, hafoin hetan resposta husi governu.

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here