Xefe Unidade Misaun Timor-Leste, Indonézia no Austrália, João Mendes Gonçalves. Foto Espesiál.

DILI, (TATOLI) – Ekonomista timoroan, João Mendes Gonçalves, hatete Orsamentu Jerál Estadu (OJE) 2018 importante tebes, tanba Timor-Leste iha nesesidade boot ba ekonomia rai-laran no investidór ida boot liu iha país ne’e mak Estadu.

“Investimentu públiku mak boot liu. Ita-nia setór privadu seidauk iha forsa atubele responde iha situasaun hanesan agora. Ne’ebé orsamentu ne’e importante tebes para pelu menus hahú rekopera selu ita-nia dívida, tanba kompañia lubuk ida mak hein hela Governu”, Gonçalves katak iha Parlamentu Nasionál, ohin.

Aleinde ne’e ospitál balun iha rai-li’ur mós hein hela para Governu selu hodi sira bele kontinua fó asisténsia ba timoroan sira ne’ebé moras, rai-laran laiha kondisaun atu fó atendimentu.

“Buat sira ne’e hotu halo, katak iha nesesidade urjente para orsamentu ne’e aprova”, katak.

Xefe Unidade Misaun Timor-Leste, Indonézia no Austrália ne’e husu para iha diskusaun OJE 2018 ne’e fó kontribuisaun ideia ne’ebé pozitivu, krítika ne’ebé konstrutiva para hadi’a.

“Halo di’ak liután, la’ós atu sobu, ne’ebé di’ak liu ita tau interese nasaun nian, interese povu nian aas liu para ita-nia ekonomia la’o bá oin hodi ita bele kombate kiak. Buka oinsá ita redús k’ak iha rai-laran no ita-nia kreximentu ekonómiku bele sa’e”.

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here