Primeiru-Ministru, Taur Matan Ruak, hamutuk ho membru governu sira, ohin, iha uma fukun Parlamentu Nasionál, hatan ba deputadu sira sobre proposta lei Orsamentu Jerál Estadu 2018 iha diskusaun jeneralidade. Foto António Goncalves

DILI, (TATOLI) – Primeiru-Ministru (PM), Taur Matan Ruak, iha aprezentasaun Orsamentu Jerál Estadu (OJE) 2018, hatete proposta OJE 2018 $1.279,6 , mak milliaun $984,8 rezulta husi realizasaun transferénsia Fundu Peteolíferu (FP) no millaun $188,8 husi reseita doméstika.

“Iha montante totál despeza nian inkluindu montante empréstimu ami prevee somatóriu ida iha kategoria oioin $1.279,6, fahe ba kategoria no montante iha saláriu no vensimentu previstu milliaun $200,312. Iha Bens no Servisu previstu milliaun $421,666. Iha Transferénsia Públika previstu milliaun 261,925”, PM afirma ohin, iha debate jeneralidade OJE 2018 nian iha Parlamentu Nasionál.

Xefe Governu akresenta iha Kapitál Menór tau millaun $3,659, Kapitál Dezenvolvimentu, inkluindu Fundu Infraestrutura no empréstimu previstu milliaun $392,037.

Primeiru-Ministru hatutan despeza sira ne’e milliaun $825,483, korresponde ba Servisu lahó autonomia administrativa no finanseira no ba orgaun autónoma sein reseita própria.

Enkuantu milliaun $430,260, korresponde ba servisu no fundu autónomu sira, inkluindu despeza finansiada husi empréstimu.

“Destaka mós milliaun 28, korresponde ba Autoridade RAEOA (Rejiaun Administrativa Espesiál Oekusi Ambeno no Zona Espesiál Ekonomia Sosiál Merkadu Oekusi-Ambeno, ne’ebé maka milliaun $27,076 sei finansiadu liuhusi dotasaun OJE 2018 nian”, katak.

PM hatutan despeza proposta iha OJE 2018 sei finansiada liuhusi reseita doméstika ho totál milliaun $188,8, liuhusi Rendimentu Sustentavel Estimadu (RSE) ho totál milliaun $550.4, ne’ebé valór totál inklui ona milliaun 70, foti ona husi VII Governu no millaun $140, autorizadu estraordináriamente ba Governu Konstitusionál daualu husi Parlamentu Nasionál no promulgadu husi Prezidente Repúblika, iha ámbitu Lei númeru 1/2018, 10 agostu 2018.

“Liuhusi mós levantamentu liu RSE ho totál milliaun 436,8, nomós através empréstimu instituisaun internasionál iha valór milliaun 61.6, ne’ebé milliaun 44 korresponde ba kontratasaun empéstimu konsensionál no restante milliaun 17,6 korresponde ba dezembolsu”.

PM afirma atubele verifika proposta OJE 2018, Governu kontinua aposta iha kontensaun despeza, tuir trajetória orsamentu daudaun ne’e ho halo poupansa milliaun $107,226, relasaun ba OJE 2017 no poupansa milliaun $66, relasaun ba OJE 2016.

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here