Primeiru-Ministru, Taur Matan Ruak, simu vizita hosi Diretór TL-Cement, James Rhee, iha Palásiu Governu, ohin, hodi rona preparasaun TL-Cement nian ne’ebé atu halo investimentu simentu iha munisípiu Baukau. Foto GPM

DILI, (TATOLI) – Diretór Ezekutivu Timor-Leste  Cement, James Rhee, hateten Governu daualu kontinua fó apoiu ba kompañia ne’e atu prodús simenti iha munisípiu Baukau.

Diretór Ezekutivu hosi kompañia konsorsiu Austrália no Korea hato’o apoiu governu ne’e hafoin hasoru Primeiru-Ministru, Taur Matan Ruak, iha Palásiu Governu, ohin.

“Primeiru-Ministru kontente rona ami nia progresu hosi projetu ne’e no nia promete sei fó suporta projetu ida ne’ebé konsorsiu entre Austrália no Timor-Leste hodi fó benefisiu ba parte rua”, realsa.

Xefe Governu mós apresia ba planu kompañia internasionál ne’e, tanba planu sei emprega Timoroan rihun ida.

“Ha’u esplika ba Primeiru-Ministru projetu ne’e la’o, sei emprega ema rihun ida, espesiál hosi komunidade Baukau˝, tenik.

Tuir planu iha 2018, kompañia konsorsiu ne’e sei lansa projetu produsaun simenti.

˝Ami esensialmente espera bele lansa ona iha tinan ne’e, hahú ho kontrusaun sentru treinamentu no kontrusaun seluk tan, tanba komunidade Baukau maka hein hela projetu ne’e”, afirma.

Bainhira projetu ne’e la’o ona, sei rekruta uluk timoroan 300 hodi sai treinadór ba trabalhadór seluk.

“Ami sei hahú emprega primeiru ema 300, sei aprende uluk hodi sai formadór depois sei fó formasaun ba traballadór seluk ho totál ema rihun ida”, akresenta.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here