Kay Rala Xanana Gusmão bainhira halo entrevista ho jornalista sira iha edifísiu g7+. aredores Palásiu Governu, ohin. Foto António Goncalves

DILI (TATOLI) –  Ministru Estadu Prezidénsia Konsellu Ministru (KM), Agio Pereira, informa Konsellu Ministru (KM) aprova ona proposta rezolusaun atu fó fiar ba Kay Rala Xanana Gusmão hodi asume responsabilidade ba negosiasaun greater sunrise (GS) hodi dada kadoras mai Timor-Leste.

“Konsellu Ministru aprova rezolusaun ida nomea Xanana Gusmão nu’udar reprezentante Estadu hodi responsabiliza ba negosiasaun ba greater sunrise nian atu prosesa kadoras mai Timor-Leste” Agio Pereira ba jornalista sira iha Palásiu Governu hafoin reuniaun KM, Ohin.

Iha 23 agora  halo diskusaun iha Bali ho kampaña Conocophilips tanba nia mak kampaña boot liu iha joint venture, nune’e bele aselera prosesu kadoras mai Timor-Leste.

“Ita nia opsaun mak kadoras atu mai kosta súl Beaço Viqueque, maibé dalan ida tenke iha negosiasaun ho joint venture sira no rezolusaun ne’e fó podér ba Xanana atu kaer kna’ar ida ne’e hodi reprezenta nasaun ba negosiasaun ne’ebé kompleta,” Agio esplika.

Xanana nu’udar  reprezentante espesiál Estadu nian sei responsabiliza iha kestaun hotu mak tratadu hodi hala’o negosiasaun ho interese partisipativu atu hetan rikusoin mina Timor nian ne’ebé bele fó kontribuisaun ba dezenvolvimentu iha indústria moderna mina nian iha Timor-Leste.

Entretantu, Proposta rezolusaun governu nian aprezenta hosi Primeiru Ministru Taur Matan Ruak kona-ba nomeasaun Xanana nu’udar  reprezentante espesiál hosi Estadu hodi hakotu konkluzaun no prosedimentu ne’ebé presiza ratifikasaun tratadu entre Timor-Leste ho Australia.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here