Ministru Transporte no Komunikasaun, José Agustinho da Silva. Imajen Mídia MTK

DILI, (TATOLI) – Ministru Transporte no Komunikasaun, José Agostinho da Silva, hatete ninia ministériu aloka $2.076.000 ba proposta Orsamentu Jerál Estadu (OJE) 2018.

“Ministériu Finansa liuhosi diresaun nasionál finansa estadu distribui orsamentu pakote korrente ba MTK hanesan saláriu vensimentu $1.304.000, kategoria bens servisu $722.000 no kategoria kapitál menor $50.000, nune’e totál $2.076.000”, ministru haktuir iha ninia aprezentasaun durante audiénsia públika ho komisaun E ba apresiasaun OJE 2018 iha sala plenária, kinta ne’e.

Nune’e MTK bazea ba pakote orsamentu ne’e fahe ba gabinete no diresaun iha diresaun iha ministériu nia laran hanesan, ba gabinete ministru $635.000, gabinete diresaun jerál transporte no komunikasaun $100.000, diresaun nasionál transporte marítimu $203.000, diresaun nasionál meteorolojiano jeofisika $175.000, diresaun nasionál informátika no teknolojia $219.000, diresaun nasionál servisu postais $171.000, Autoridade Aviasaun Sivíl Timor-Leste (AACTL) $196.000.

“Justifikasaun orsamentu pakote fiskál 2018 tuir kategoria, saláriu vensimentu ba fulan haat $1.304.000, orsamentu ne’e hodi selu ba saláriu vensimentu funsionáriu públiku no gabinete ministériu no gabinete diresaun jerál transporte no komunikasaun, servisu estraordináriu no seluk tan”, dehan.

Nune’e governante ne’e klarifika, orsamentu saláriu vensimentu hetan fallansu tékniku, bainhira halo ajustamentu ba diresaun nasionál orsamentu ministériu finansa husi kategoria bens servisu, husi diresaun nasionál transporte terestre ho montante $235.000, tama fali kategoria saláriu vensimentu gabinete minitru nian ho montante $235.000.

“Atu fasilita servisu diresaun nasionál transporte terestre mak ha’u hanoin liuhosi nai deputadu/a sira haree oinsá mak orsamentu sira ne’ebé transfere pertense ba diresaun nasionál transporte terestre, tama fali ba saláriu vensimentu gabinete ministru nian, oinsá mak bele aloka fali ba diresaun kompotente nune’e labele difikulta servisu diresaun ne’e”, katak.

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here