DILI, (TATOLI) – Ministru Reforma Lezislativa no Asuntu Parlamentár, Fídelis Leite Magalhães, hateten Governu hein hela Prezidente Repúblika (PR), Francisco Guterres Lú Olo, promulga proposta orsamentu duódesimu milliaun $140 hafoin Tribunál Rekursu anúnsia rezultadu fiskalizasaun.
ʺAgora hothotu hein Prezidente Repúblika kona-ba promulgasaun proposta lei tranferénsia osan fundu mina rai 140 ba kofre Estaduʺ, hateten ministru ba jornalista sira iha Palásiu Governu, ohin.
Governante hateten Primeiru-Ministru, Taur Matan Ruak, simu ona rezultadu fiskalizasaun hosi Tribunál Rekursu kona-ba proposta tranferénsia fundu minarai $140 ba kofre Estadu, konstitusionál.
Ho rezultadu fiskalizasaun ne’e Governu iha konfiansa ba Prezidente Repúblika hodi promulga ona orsamentu ne’e iha tempu besik hodi finansia makina Estadu.
Jornalista: Agapito dos Santos
Editora: Rita Almeida
