DILI (TATOLI)—Embaixadór Canadá ba Timor-Leste, Peter MacArthur, hala’o vizita kortezia ba Prezidente-Repúblika, Francisco Guterres Lú Olo no sente onradu tebes.
“Ha’u sente kontenti no onradu tebes bele hasoru malu ho Prezidente Timor-Leste. Ha’u kontenti haree demokrasia ne’ebé la’o iha Timor-Leste,” dehan Peter ba jornalista-sira iha Palásiu Prezidente Nicolau Lobato, Bairru Pité, Dili, sesta ne’e.
Nia afirma, Canadá iha hanoin atu kolabora serbisu ho maluk Timor-Leste hodi jere ekonomia no dezenvolvimentu polítika.
Programa prioriodade ne’ebé Governu Canadá apoiu ba Timor-Leste maka enpodera feto no feto-foinsa’e sira, dezenvolve demokrasia no Justisa, luta kontra violénsia doméstika no sustentabilidade ekonomia nomós apoiu Timor-Leste atu partisipa iha reuniuan internasionál sira hanesan iha ONU no iha ASEAN.
Entretantu, Xefe-Estadu kontenti tebes ho reuniaun ne’e no apresia ba apoiu ne’ebé nasaun Canadá fó ona ba Timor-Leste, durante ONU nia prezensa iha Timor-Leste iha pasadu.
Jornalista: Xisto Freitas
Editór : Manuel Pinto
