Diretór Ajénsia Dezenvolvimentu Nasionál (ADN), Samuel Marçal. Foto Espesiál.

DILI (TATOLI) – Atuál Diretór Ajénsia Dezenvolvimentu Nasionál (ADN), Samuel Marçal ne’ebé substitui ona Prezidente Aliansa Mudansa ba Progresu (AMP), Kay Rala Xanana Gusmão prontu atu serve públiku liuhosi kargu Ministru Planeamentu Investimentu Estratéjiku (MPIE).

“Atu serve ba povu no Timor-Leste konserteza ita hotu hakarak,” Samuel Marçal informa ba jornalista sira iha Parlamentu Nasionál, ohin.

Nia dehan ko’alia kona-ba prontu ka lae atu asume kargu MPIE iha VIII Governu Konstitusionál depende ba Primeiru Ministru, Taur Matan Ruak ho Prezidente Repúblika, Francisco Guterres Lú-Olo.

Maibé, kargu MPIE ne’e la’ós buat ida fasil ka kmaan, maibé ida ne’e responsabilidade. Tanba ne’e importante mak kolaborasaun mútua ka servisu hamutuk hodi lori dezenvolvimentu ba povu tomak.

“Ha’u agora hein hela desizaun Prezidente Repúblika no Primeiru Ministru nian kona-ba simu posse hodi asume kargu MPIE,” Samuel  hein.

Entretantu, Prezidente AMP, Kay Rala Xanana Gusmão rezigna-an hosi governu da-ualu no substitui hikas Diretór AND, Samuel Marçal tanba nia (Xanana) hala’o misaun foun ida tan iha kontestu delimitasaun fronteira Timor-Leste ho Indonézia.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here