Foto ilutrasaun Google.

DILI, (TATOLI) – Dekanu Fakuldade Ekonomia no Jestaun (FEJ) Universidade Nasionál Timor Lorosa’e (UNTL), Fernando Baptista Anuno, hatete kapasidade kompra ema nian ba daudaun ne’e menus, lahanesan baibain.

“Kapasidade kompra ne’e iha, hola foos klaru tenke halo, modo-tahan, mas la’ós hanesan baibain atu hola manu, fahi, bibi para pelumenus fin semana halo barbeque netik. Karik iha duni, mas ne’e só ida ne’ebé mak iha osan no kalsifikasaun média ba leten. Atividade hotu-hotu pur enkuantu diminui”, ekonomista ne’e dehan iha Kampus Sentrál UNTL, ohin.

Nia hatutan liga ba atividade setór privadu sira-nia ne’ebé sei la’o ho nia kapasidade rasik, maski dívida balun ne’ebé Governu seidauk selu, maibé ida ne’e haree to’o iha tempu ida nia kurva ne’e tun ba termu ida deklíniu, bainhira larezolve lalais ne’e tun kedan tanba realidade empreza balun hamenus nia traballadór.

“Ita ne’e depende duni ba orsamentu Estadu tanba sei investe ba infraestrutura públiku mak maka’as, hanoin katak investimentu ba estrada ne’ebé la’o ne’e tanba ne’e ita deve hela iha banku, mak hanesan orsamentu Estadu laiha ema atu halo estrada. Agora, hanesan Ponte Komoro ne’ebé besik atu inaugura ne’e ita dehan grasa de Deus konsege remata no infraestrutura ne’ebé hahú foun ne’e lala’o mezmu nia la’o porsentu 20 ou 40, ne’e para totál”, katak.

Situasaun sira ne’e akontese tanba kauza husi problema polítika ne’ebé la’o iha país laran, nune’e líder másimu sira tenke haree ba sentidu ne’ebé povu hein hela liuliu ba koligasaun ne’ebé tuur hela iha Parlamentu Nasionál.

“Direitu votu ita fó ona, oinsá mak ezekuta direitu votu liuhusi dalan polítika atu fó dalan ba ezekutivu nian se la’e ita mak nune’e hela de’it”.

Jornlista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here