Primeiru-Ministru, Taur Matan Ruak prezide reuniaun iha Konsellu Ministru.

DILI (TATOLI)-Governu liuhosi reuniaun konsellu Ministru estraordináriu aprova ona proposta lei Orsamentu Jerál Estadu (OJE) 2018, no sei haruka ba Parlamentu Nasionál (PN) iha semana oin (06/08).

Ministru Prezidénsia Konsellu Ministru, Agio Pereira hafoin enkontru konsellu ministru, horisehik (02/08) informa, ʺTotal orsamentu maka Biliaun ida, duzentos dessa oito Mil (1.218) ba tinan ida ne’e.ʺ

Hosi total orsamentu ne’e sei koloka ba saláriu no vensimentu, bens servisu, kapitál dezenvolvimentu no seluk tan.

Alende ne’e iha diskusaun ne’e, konsellu ministru mós diskute hodi aprova ona substituisaun ba kargu vice Xefe Estadu Maiór  Falintil-Forsa Defeza Timor Leste.

ʺPrimeiru Ministru Taur Matan Ruak sei hato’o proposta ba Prezidente Repúblika Francisco Guterres Lu Olo para konsidera,ʺ Agio haktuir. No rejeita fó sai naran ne’ebé sei halo substituisaun ne’e.

Jornalista: Agapito dos Santos

Editór : Manuel Pinto

HAKEREK NO HATÁN

Please enter your comment!
Please enter your name here