Primeiru Vice Prezidente Parlamentu Nasional Angelina Sarmento.

DILI (TATOLI)—Parlamentu Nasionál (PN) espera katak governu sei haruka proposta lei OJE lais atu semana rua mai tan PN bele halo ona debate ba Orsamentu Jerál Estadu (OJE) 2018 nian.

“Kuandu governu envia ona OJE mai PN, semana antes parlamentu tenke simu depois Prezidente Parlamentu Nasionál (PPN), Arão Noe baixa ba komisaun espesializada sira atu halo análize orsamentál hafoin aprezenta liuhosi relatóriu no pareser hodi koloka iha plenária,” VPPN, Maria Angelina Sarmento ba Ajénsia Tatoli iha uma fukun parlamentu, ohin.

“Depois ida ne’e PPN konvoka reuniaun lider bankada hodi deside kona-ba data ne’ebé mak prezidente propoin, nune’e mós sei kria giaun ba debate OJE iha jeneralidade no espesialidade.”

VPPN, Maria Angelina Sarmento, hateten tan parlamentu hein hela proposta lei Orsamentu Jerál Estadu (OJE) hosi governu tanba reuniaun Konsellu Ministru horisehik (02/08) aprova ona Orsamentu Jerál Estadu ba períodu 2018 nian,

Enkuantu, iha reuniaun Konsellu Ministru estraordináriu aprova ona proposta lei OJE 2018, ho valor biliaun ida duzentos dessa oito Mil (1.218) e governu promete sei haruka ba PN iha semana oin.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here