Prezidente Komisaun Nasionál Eleisaun, Alcino Barris.

DILI, (TATOLI) – Komisaun Nasionál ba Eleisaun (CNE-sigla portugés) ho partidu Kongresu Nasionál Rekonstrusaun Timor (CNRT-sigla portugés) ohin halo diskusaun ba relatório CNE kona-ba orsamentu subvensaun públika ba partidu sira iha eleisaun parlamentár 2017.

Lei númeru 6/2018 kona-ba rejime jurídiku finansiamentu ba partidu polítiku ne’ebé hetan asentu iha Parlamentu Nasionál (PN).

“Ohin ami hasoru malu hodi haree fali ami nia rezultadu auditória ba sira nia relatóriu kona-ba osan subvensaun públika ba partidu polítiku”, hateten Prezidente CNE, Alcino Barris, iha salaun CNE Kaikoli.

CNE aloka orsamentu milliaun neen iha 2017 ba partidu haat ne’ebé hetan  asentu iha  PN hanesan CNRT, FRETILIN, PD no Frente Mudansa.

Hosi rezultado auditória ne’e dokumentu hanesan resibu no seluktan presiza atu kompleta.

“Forma fahe osan ne’e kada kadeira ida iha parlamentu hetan provolta noventa e dois mill,  tanba ne’e partidu ne’ebé hetan kadeira barak hetan osan barak no kadeira uitoan hetan osan uitoan”, tenik tan.

Durante diskusaun, nia dehan parte rua konkorda halo tan enkontru iha loron  8 fulan ne’e iha sede partidu atu verifika liután dokumentu hirak ne’e hodi finaliza, nune’e CNE bele públika iha jornál repúblika.

Entretantu, primeiru adjuntu sekretáriu jerál partidu CNRT, Jacinto Rigoberto, hateten sei kompleta dokumentu hirak ne’e iha semana oin tuir pedidu CNE.

“Iha loron 8, auditór CNE sei ba fali sede CNRT hodi haree di’ak liután ba relatóriu ne’e”, katak.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here