Primeiru-Ministru, Taur Matan Ruak prezide reuniaun iha Konsellu Ministru.

DILI, (TATOLI) – Ministru Reforma Lejislativa no Asuntu Parlamentár, Fídelis Leite Magalhaẽs, hateten rezolusaun Konsellu Ministru hodi apoiu vítima dezastre naturál iha Indonézia no Laos hanesan kompromisu Estadu, tanba nasaun rua ne’e importante ba Timor-Leste.

“Paises rua ne’e importante ba Timor-Leste, tanba ne’e ita fó apoiu maibé hein osanʺ, ministru ne’e hatan ba jornalista sira iha Palásiu Governu, ohin.

Fídelis dehan governu bainhira oferese osan ho montante mill $750 ba nasaun rua ne’e, kuandu Prezidente Repúblika aprova ona proposta orsamentu duódesimu ne’ebé Parlamentu Nasionál aprova foin lalais ne’e.

“Horisehik ne’e resolusaun ida katak governu kompromete atu fó apoiu ba vitima dezastre rai nakdoko iha Lombok Indonézia no Laos, governu hakarak fó maibé depende bainhira iha ona osanʺ, hatan ministru.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here