Tinan Ne’e Númeru HIV-SIDA Aumenta

0
156
Ilustrasaun hosi google.

DILI, (TATOLI) – Sekretáriu Ezekutivu Komisaun Nasionál Kombate HAIV/SIDA, Daniel Marçal, hateten timoroan 700 resin maka oras ne’e afetadu ba moras da’et hosi relasaun seksuál iha Timor-Leste.

Tuir dadus hosi Ministériu Saúde (MS) to’o marsu 2018, timoroan 753 maka afetadu ba moras da’et HIV-SIDA iha teritóriu.

“Númeru ne’e sae maka’as, tanba progresu hosi servisu ita hotu nian hodi fahe informasaun ba públiku hodi koko ran”, hateten Sekretáriu Ezekutivu ne’e ba jornalista sira iha salaun MSSI Kaikoli, ohin.

Hosi númeru ne’e 90 resin ne’e maka mate ona no hala’o hela tratamentu hamutuk 300 resin. “Agora dadaun ministériu saúde hala’o hela tratamentu ba 300 resin no barak maka la-halo tratamentu”, haktuir.

Kapitál maka númeru aas liu, tuir Bobonaro, Kovalima, Baukau, Ermera, Ainaru, Oe-Kusi no sira seluktán.

Komisaun Nasionál ne’e apela ba sidadaun hodi atu evita hosi ransu no sexsu livre hodi prevene númeru transmisaun ba moras hada’et HIV-SIDA.

Jornalista: Agapito dos Santos

Editora: Rita Almeida

HUSIK IDA HATÁN