Promove Arte Kultura Liuhosi Kooperasaun Trilaterál

0
60

ATAMBUA, (TATOLI) – Deputadu Repúblika Indonézia, Guruh Soekarno Putra, afirma Cross Border ne’e realiza liuhosi kooperasaun trilaterál entre Indonézia, Timor-Leste no Austrália.

“Ha’u mós foin mak mai vizita Atambua tan Festival Cross Border. Eventu ne’e di’ak tebes atu bele promove arte kultura iha área fronterisa liuhosi kooperasaun Indonézia, Timor-Leste ho Austrália”, dehan Guru Soekarno Putra ba jornalista sira iha serimónia Cross Border Atambua 2018, Lapangan Simpan Lima-Atambua, domingu ne’e.

Enkuantu, Vise Xefe Administradór Belu, J.T Ose Luan, akresenta durante ne’e munisípiu Belu halo relasaun di’ak tebes ho nasaun viziñu sira, tanba konsidera malu hanesan família.

Tanba ne’e liuhosi atividade festival cross border no atividade seluk hanesan desportivu no seluk tan bele promove ita nia relasaun di’ak entre komunidade sira iha área fronteira.

“Hosi atividade hirak ne’e ami kria relasaun di’ak ba malu. Tanba fronteira entre rai rua nian ne’e kompeténsia governu lokál nian no konsuladu ne’ebé iha ne’e ami sempre iha relasaun di’ak nafatin, tanba oinsá mos ba komunidade sira iha fronteira hanessan lian ne’ebé hanesan no seluk tan”, hateten Ose Luan.

Nia hatutan katak atu oinsá mos ita tenke iha amizade ne’ebé di’ak entre komunidade iha área fronterisa hodi haree malu di’ak nafatin.

Hodi akresenta ho eventu ne’e iha kooperasaun trilaterál entre Timor-Leste, Indonézia no Austrália. Hosi kooperasaun ne’e atu promove arte kultura, edukasaun, saúde. Tanba ne’e festival Cross Borde hanesan parte ida hosi kooperasaun.

Liuhosi servisu hamutuk atu governu hosi nasaun tolu nian sempre hola parte no atividade ida-idak nian mos sempre ema hotu partisipa.

Cross border ne’e sempre hetan prezensa hosi Timor-Leste atu hametin amizade ne’ebé di’ak. Tanba nasaun rua ne’e viziñu hela, bele hametin amizade no solidariedade atu hatudu ba mundu.

“Ita sempre kria pás mundiál liuhosi atividade arte no kultura, tanba ne’e mak atu festa iha kada ida-idak nia nasaun mos sei hetan prezensa hosi nasaun tolu nia ema. Tanba kuandu Timor-Leste halo atividade sira hanesan konvida ami mos hola prezensa”, katak.

Ativiadade sira hanesan bola volley, fotebol no arte kultura. Hosi sira ne’e mak bele hametin relasaun di’ak hodi hamutuk nafatin hosi nasaun tolu ne’e.

La’ós ita nia kooperasaun ba de’it iha asuntu polítika, seguransa, ekonomi no sosiál maibé la liuhosi setór kulturál no desportu.

Jornalita: Zezito Silva

Editora: Rita Almeida

HUSIK IDA HATÁN