Prezidente PN Preokupa Membru Governu Seidauk Kompletu

0
207
Prezidente Parlamentu Nasionál, Arão Noé, ka’er liman ho Xefe Estadu, Francisco Guterres Lú Olo, ohin, iha Palásiu Prezidente da Repúblika, Bairru-Pité.
DILI (TATOLI)–Prezidente Parlamentu Nasionál (PN), Arão Noé de Jesus, hateten presiza kompleta estrutura membru Governu, nune’e jestaun administrativu bele la’o normál atu lori governasaun ida ne’e ba oin.

Arão hato’o asuntu ne’e ba jornalista sira iha Palásiu Prezidente Nicolau Lobato, Bairru Pité, Dili, Kuarta ne’e, relasiona ho estrutura membru Governu Da-Ualu Konstitusionál ne’ebé to’o agora seidauk kompletu.
Tuir nia katak bainhira estrutura seidauk kompletu ne’e defísil tanba iha debate orsamentu jerál Estadu ne’e ministru ida-idak maka tenke mai defende ninia orsamentu no planu iha Parlamentu Nasionál.
“Ida ne’e impaktu boot teb-tebes ba ministériu sira seluk ne’ebé seidauk iha ministru ne’ebé toma pose. Ami nia preokupasaun maka ida ne’e, maibé atu toma pose ka lae ne’e Prezidente-Repúblika nia kompeténsia,” nia informa.
Maibé debate ba programa Governu ne’e, Prezidente Parlamentu afirma katak laiha impaktu tanba programa ne’e planu jerál ba tinan lima.
Jornalista: Xisto Freitas

Editór : Manuel Pinto

HUSIK IDA HATÁN