PR Lú Olo Apresia Konvite Hosi Governante Austrália

0
181
Ministra Negósiu Estranjeiru Austrália, Julie Bihop, kaer liman ho Prezidente-Repúblika (PR), Francisco Guterres Lú Olo, liuhusi vizita kortezia. Imajen Ajénsia Tatoli/António Gonçalves

DILI, (TATOLI) – Ministra Negósiu Estranjeiru Austrália, Julie Bihop, ohin hala’o vizita kortezia ba Prezidente-Repúblika (PR), Francisco Guterres Lú Olo, iha Palásiu Prezidente Nicolau Lobato Bairru Pité.

Objetivu vizita ne’e, Julie Bishop lori karta konvite hosi Governu Austrália hodi dirije ba Prezidente-Repúblika atu iha futuru Xefe-Estadu Timor-Leste ne’e hala’o vizita traballu ba Austrália.

Entretantu, Prezidente-Repúblika apresia konvite ne’ebé maka Governadór Austrália Peter Cosgrove hato’o.

Peter Cosgrove nu’udar belun di’ak Timor-Leste ne’ebé iha 1999 lidera forsa INTERFET hodi tulun timoroan sira moris fila fali iha normalidade nia laran, hafoin violénsia ne’ebé governu Indonézia husik hela.

Ba jornalista sira, governante Australiana ne’e hateten hein katak Prezidente-Repúblika sei hala’o vizita traballu iha Austrália iha tinan ne’e hodi hametin liu-tan relasaun entre nasaun rua.

“Ha’u kontente tebes hodi bele hala’o sorumutu ho Prezidente-Repúblika Timor-Leste, tanba enkontru ida pozitivu no di’ak tebes”, Julie Bishop haktuir.

Jornalista: Xisto Freitas

Editora: Rita Almeida

HUSIK IDA HATÁN