MNEK Partisipa Enkontru Estraordináriu Konsellu Ministru Negósiu Estranjeiru CPLP

0
180

DÍLI, (TATOLI)-Ministériu Negósiu Estranjeiru no Kooperasaun (MNEK) reprezenta governu Timor-Leste (TL) partisipa reuniaun Konsellu Ministru CPLP (Comunidade dos Países da Língua Portuguesa) ba dala rua nulu resin tolu (XXIII), iha Illa do Sal, Cabo Verde.

Iha enkontru ne’e, Ministru Negósiu Estranjeiru no Kooperasaun, Dionísio Soares Babo hato’o nia intervensaun rua; nu’udar apresiasaun.

Ministru Deoníso Babo Soares Partisipa Konsellu Ministru CPLP. Foto: Media MNEK

Intervensaun dahuluk, Timor-Leste liuhusi ninia xefe diplomata, fó ninia apresiasaun ba Maria Teresa do Carmo, hanesan Sekretária Ezekutiva CPLP, ne’ebé mak remata ona nia misaun nu’udar Sekretária Ezekutiva CPLP iha loron 17 Jullu 2018. Xefe diplomata timoroan ne’e agradese ba Maria Teresa do Carmo kona-ba servisu tomak ne’ebé maka nia halo ona durante tinan rua nia laran.

Intervensaun daruak, xefe diplomata realsa ninian apresiasaun bo’ot liu bá profesora Mariza Mendonça, hanesan Diretora Ezekutiva IlLP (Instituto Internacional da Língua Portuguesa).

Apresiasaun Xefe diplomata timoroan ne’e fó referénsia partikulár ba Mariza ninia dezlokasaun barak ne’ebé maka nia halo ba Timor durante iha ninia mandatu ba diskusaun ne’ebé nia halo durante ne’e, apoia Timor iha realizasaun terseiru konferénsia língua portugeza iha Timor iha tinan 2015-2016, apoia ne’ebé maka nia fó ba Timor durante iha nia dezlokasaun sira hodi hamutuk ho ensinu tékniku Timor, no komisaun nasionál ensinu superiór Timor hodi elabora asaun Díli iha ámbitu Língua Portugeza.

Entretantu, Repúblika Demokrátika Timor-Leste (RDTL) nu’udar país ho direitu plenu ba organizasaun komunidade luzófona ne’e, hafoin restaurasaun nia independénsia iha 2002 hamutuk ho nasaun membru sira seluk hanesan Angola, Brasil, Cabo Vede, Guiné-Bissau, Guiné-Equatorial, Moçambique, Portugal, São Tomé e Principé inklui Timor-Leste.

Jornalista: Rafy Belo

Editór : Manuel Pinto

HUSIK IDA HATÁN