Kondutór no Motorista Tenke Respeita Sinál Tránzitu

1
85
Sinál tránzitu. Foto/Google.

DILI, (TATOLI)-Diretór Nasionál Transporte no Terrestre, Natalino de Rosário, husu kondutór no motorista sira atu respeita sinál tránzitu sira ne’ebé mak Diresaun Nasionál Transporte no Terrestre (DNTT) ho Polísia Tránzitu harii tiha ona.

“Tanba ita haree motorista balun iha kapitál Dili ne’e inklui fatin seluk sira laiha konxiénsia no respeita ba sinál sira ne’e. Ezemplu, semáforu (lampu merah) labarik ki’ik ida mós nia bele hatene kuandu lakan mean ne’e hotu-hotu tenke para, nia lakan matak ne’e mak ita la’o, mas ita-nia maluk sira balun ita haree lampu ne’e sei lakan mean hela sira tama tiha ona, sorte la akontese asidente ruma iha ne’ebá”, Natalino afirma iha Balide, ohin.

Natalino hatutan la’ós sira lahatene, maibé laiha konxiénsia tanba ne’e maka husu tenke respeita sinál sira maka estabelese ona.

“Tuir dadus ne’ebé Diresaun Nasionál Transporte no Terrestre asesu iha Polísia Tránzitu nian katak maioria asidente ne’ebé akontese husi fatór ema, nia kauza iha tolu, karreta ladi’ak, estrada ladi’ak no ida fali mak mai husi ema no barak liu porsentu 90 husi fatór ema nian”.

Ida ne’e hatudu tanba laiha konsiénsia no balun seidauk iha koñesimentu natoon lori karreta ka motór iha estrada públiku nian.

Jornalista : Maria Auxiliadora

Editór : Manuel Pinto

1 COMMENT

  1. Atu regula nee hodi lei mak regula ka,be multa ruma laiha ka, lei inforcemen laiha nee,ulun tos barak liu…

HUSIK IDA HATÁN