Kategoria Bens no Serbisu Halo Mós Kobertura Ba Dívida Sira

0
258
Diretór Jerál Finansa Estadu, Januario da Gama. Foto/MF.

DILI, (TATOLI) – Diretór Jerál Finansas Estadu Ministériu Finansas (MF), Januario da Gama, hatete iha tetu orsamentál 2018 ne’ebé lansa ona iha kategoria bens no servisu halo mós kobertura ba kompromisu no obrigasaun ou dívida sira ne’ebé Estadu liuhusi Governu tenke kumpre iha períodu orsamentu jerál 2018 nian.

Iha kategoria bens no servisu nian ne’ebé tau iha tetu pur volta millaun $400 resin husi proposta Oramentu Jerál Estadu (OJE) 2018 mak billaun $1.218.

“Pur tantu dívida ou obrigasaun sira ne’ebé importante krusiál ba Estadu ou Governu hotu-hotu hetan ona kabimentu iha tetu orsamentu 2018 ida ne’e rasik”, Januário afirma hafoin sesaun traballu kona-ba notifikasaun no konfirmasaun pakote fiskál no distribuisaun sirkulár preparasaun OJE 2018 iha Aitarak-Laran, ohin.

Januario hatutan iha identifikasaun ne’ebé MF halo ba despeza ho karater ba obrigasaun no kompromisu ne’e aloka hotu iha kategoria ne’e.

“Uitoan ita tau iha kategoria seluk hanesan transferénsia públika no saláriu no vensimentu, tantu ninia plafon finál ne’e hanesan tetu ida fahe ba ministériu sira no finalmente sira tenke mai justifika dívida ou kompromisu sira ne’e iha duni kapasidade atu ezekuta husi períodu setembru to’o dezembru ka la’e”, haktenik.

Tanba ida ne’e sei presiza halo prosesu selesaun ida para haree karik osan ne’e tau tenke gasta duni antes períodu dezembru 2018.

Jornalista: Maria Auxiliadora

Editora: Rita Almeida

HUSIK IDA HATÁN