Heineken Selebra Festivál Estrela Ho Konsertu

0
129
Gerente Marketing Heineken Timor S.A, Benjamin Kwek, hamutuk ho grupu banda nasionál halo konferénsia imprensa iha Hera, ohin. Foto Agapito dos Santos

DILI, (TATOLI) – Kompañia Heineken iha Timor-Leste tinan ne’e sei selebra festival Bintang (estrela) ba daruak ho konsertu muzika.

Konsertu ne’e sei harame hosi banda muzika nasionál 10 resin inklui banda rock Jamrud hosi Indonézia ne’ebé sei toka iha munisípiu Baukau, Bobonaru no kapitál.

Gerente Marketing Heineken Timor S.A, Benjamin Kwek, haktuir konsertu ne’e hodi halibur komunidade atu haksolok ho serveza estrela.

“Konsertu bintang festivál nu’udar eventu ne’ebé organizadu didiak ho muzika kualidade mak oportunidade perfeitu atu lori mensajen ba komunidade”, dehan nia ba jornalista sira liuhosi konferénsia imprensa ne’ebé hala’o iha Hera, ohin.

Konsertu iha munisípiu Baukau sei akontese loron 21 fulan ne’e, fatin Lanud. Bobonaru sei akontese iha loron 4 fulan-agustu, Dili akontese loron 18 fulan-agustu, fatin Tasitolu.

Banda nasionál sira ne’ebé sei halo mak New Comer Killer, Galaxy, Klamar, Alkatras, Moriveu, X Cruz, Inferno, Black Jesuz, Grupu Hip Hop, DJ Ageng no seluktán.

Konsertu ne’e festeza festivál serveja bintang ba 2018 iha Baukau banda Ganser, Afalyca, Black Jesuz, Naran Laek, Galaxy maka sei anima iha konsertu ne’e.

Banda ne’ebé atu toka iha Maliana mak Artivist, Adora Timor, X Cruz, New Comer Killer, Alcatraz no Klamar.

Enkuantu iha Dili, banda Inferno, New Comer Killer, Moriveu, Klamar, Galaxy no Jamrud hosi Indonézia.

Konsertu ne’e parte ida atu kontinua hametin dame no estabilidade iha rai laran.

Jornalista: Agapito dos Santos

Editora: Rita Almeida

HUSIK IDA HATÁN