Governu Aprova Rezolusaun Apoiu Repúblika Árabe Saaraui

0
176
Enkontru Konsellu Ministru, ohin. Foto António Goncalves

DILI, (TATOLI) – Ministru Reforma Lejislativa no Asuntu Parlamentár, Fidelis Leite Magalhães, hateten enkontu Konsellu Ministru ohin aprova mós rezolusaun ida kona-ba donativu reprezentasaun permanente ba nasaun Repúblika Árabe Saaraui  iha Timor-Leste.

ʺDurante ne’e ita maka apoiu sira nia embaixada no apoiu sira nia atividade, tantu iha Timor no rejiaunʺ, dehan ministru ne’e ba jornalista sira hafoin reuniaun iha Palasiu Governu.

Governante ne’e hatutan rezolusaun ne’e hodi hatudu kompromisu atu kontinua apoiu nasaun ne’ebé lokaliza iha Sahara Osidentál ne’e iha futuru.

ʺRezolusaun ida ne’e espresa de’it governu ninia preokupasaun no kompromisu atu kontinua apoiu povu Árabe Saaraui  ninia efetu ne’e bainhira ita iha osan ona mak apoiu hodi responde pedidu ne’ebé ihaʺ, hatutan tan.

Entretantu iha 1966, Konsellu Seguransa Organizasaun Nasoens Unidas (ONU) hasai rezolusaun 22/29 deklara nasaun dahuluk ne’e hodi deside ninia destinu nu’udar nasaun.

Repúblika Demokrátiku Árabe Saaraui proklama ninia indepéndensia iha loron 27 fulan-fevereiru 1976 hosi frente polísariu nu’udar organizasaun ida luta  ba ukun rasik-án.

Jornalista: Agapito dos Santos

Editora: Rita Almeida

HUSIK IDA HATÁN