Austrália Kontinua Promove Ekonomia TL

0
117
Embaixadór Austrália ba Timor-Leste, Peter Doyle, bainhira hasoru Ministru Reforma Lejislativa no Asuntu Parlamentár, Fídelis Magalhães, iha Palásiu Governu, ohin. Foto mídia MRLAP.

DILI, (TATOLI) – Embaixadór Austrália ba Timor-Leste, Peter Doyle, hateten Austrália kontinua fó ninia apoiu ba investimentu liuhosi setór privadu hodi dezenvolve ekonomia rai-laran.

“Ami ko’alia ona atu Austrália bele suporta emprezáriu ba negosiu atu investe liután iha Timor-Lesteʺ, dehan Peter ba jornalista sira hafoin hasoru malu ho Ministru Reforma Lejislativa no Asuntu Parlamentár, Fídelis Leite Magalhães, iha Palásiu Governu, ohin.

Alende ko’alia kona-ba investimentu, nia haktuir toka mós oinsá hametin relasaun entre nasaun rua.

“Ami ko’alia kona-ba hametin relasaun entre Timor-Leste no Austrália, tanba ha’u hanoin katak ministru reforma nia kna’ar importante tebesʺ, tenik Peter.

Entretantu Austrália durante ne’e fó ona apoiu ba TL iha setór hotu hanesan edukasaun, sosias, defesa, seguransa no seluktán.

Jornalista: Agapito dos Santos

Editora: Rita Almeida

HUSIK IDA HATÁN