DILI, (TATOLI) – Governu Indonézia liuhosi Ministériu Turizmu, Diresaun Nasionál Turízmu Munisípiu Belu- Atambua, realiza restivál ‘Cross Border’ Atambua 2018 iha sabadu, 27 to’o 28 jullu ho  objetivu hametin kooperasaun di’ak entre Indonézia ho Timor-Leste liuliu povu ne’ebé hela besik fronteira.

Alende ne’e kria dame hodi hasa’e kresimentu ekonomia moris povu nian nomós promove vizitante povu Timor-Leste tama iha merkadu fronteira iha postu importante tolu mak Fronteira Motain iha Belu, Motamasin iha Malaka, no Wini iha Timor Tengah Utara.

Liuhosi komunikadu ne’ebé Tatoli asesu katak eventu ne’e nu’udar programa importante no ajenda ne’ebé kada tinan sempre selebra ho animasaun konsetu múzika no atrasaun kultura oin-oin.

Eventu ne’e partisipa hosi artista sira nasionál no lokál inklui artista Timor-Leste ne’ebé sei selebra durante loron rua iha Kampu Simpang Lima sidade Atambua, Belu, Nusa Tenggara Timur.

Jornalista: Zezito Silva

Editora: Rita Almeida

HAKEREK NO HATÁN

Please enter your comment!
Please enter your name here