Prevedór Diretu Umanu no Justisa, Silveiro Pinto Baptista, bainhira ko'alia ho jornalista sira iha Kaikoli, ohin. Foto Egas Cristovão

DILI, (TATOLI) – Prevedór Diretu Umanu no Justisa (PDHJ-sigla portugés), Silveiro Pinto Baptista, sei remata ninia mandatu iha outubru 2018 hanesan prevedór hafoin asume mandatu durante tinan haat.

ʺHa’u rasik sei remata ha’u ninia mandatu ho adjunto nain rua iha fulan-outobru, tanba ne’e ami sei prepara relatóriu servisu hodi entrega ba prevedór foun depende ba desizaun Parlamentu Nasionálʺ, dehan prevedór ne’e iha salaun CNE, ohin.

Adjuntu PDHJ, Horacio de Almeida no Jesuina Maria Pereira Gomes simu pose hosi Prezidente PN iha janeiru 2015.

Adjunta Jesuina asumi kargu hanesan prevedora adjunta ba área boa-governasaun no Horacio de Almeida hanesan adjuntu áa area diretu umanu.

Tuir Silveiro Pinto oras ne’e prepara ona relatóriu servisu durante tinan haat kona-ba boa governasnaun, violasaun diretu umanu, rezultadu eleisaun antesipada.

Entretantu, Silveiru Pinto hetan pose hosi eis-Prezidente PN, Vicente Guterres, iha outubru 2014 hodi asume kargu tinan haat to’o 2018.

Kna’ar PDHJ maka proteje direitu umanu, hametin integridade no promove governasaun di’ak iha Timor-Leste.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here