Embaixadora ho ninia ekipa, ohin sorumutu ho Ministru Reforma Lejislativa no Asuntu Parlamentár, Fídelis Leite Magalhães, iha Palásiu Governu, ohin. Foto mídia MRLAP

DILI, (TATOLI) – Embaixadora Nova Zelándia ba Timor-Leste, Vicki Poole, hateten sei kontinua hametin kooperasaun ho Governu iha área lejislasaun, apoiu tékniku ba setór públiku ba futuru.

“Futuru ami espera katak sei lori ami nia ema mai apoiu tékniku ba ministériu ne’e”, dehan embaixadora ne’e hafoin sorumutu ho Ministru Reforma Lejislativa no Asuntu Parlamentár, Fídelis Leite Magalhães, iha Palásiu Governu, ohin.

Iha tempu besik, komisaun B Parlamentu Nasionál sei vizita Nova Zelándia hodi haree di’ak liután lejislasaun nian inklui funsionamentu governu.

“Ami ko’alia ho ministru nesesidade saida maka presiza ami sei kordena”, tenik tan.

Durante ne’e Nova Zelándia mos fó apoiu ba TL, liliu iha área akontabilidade, jestaun, lejislasaun, formasaun ba motorista no seluktán.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here