Ilustrasaun hosi google.

DILI, (TATOLI) – Vise Ministra Solidaridade Sosiál no Inkluzaun, Signi Chandrawati Verdial, hateten governu sei halo pagamentu ba idozu no inválidu hamutuk rihun 97 resin  hafoin orsamentu duodesimál hetan aprovasaun iha Parlamentu Nasionál (PN).

Governu preve ona osan milloen 53. “Hatama ona iha planu orsamentu, tanba ne’e ita sei rezolve tinan ne’e”, dehan Vise Ministra  iha ninia servisu fatin Kaikoli, ohin.

Tuir kalendáriu loloos prosesu pagamentu faze dahuluk realiza iha fulan kotuk, maibé tenke adia tanba orsamentu seidauk aprova.

Governante hateten iha posibilidade sei halo pagamentu tinan ida tomak ba benefisiáriu sira, tanba pagamentu primeira faze liu ona. “Pagamentu ita sei hala’o dala ida de’it, tanba fulan hirak ita seidauk seluʺ, haktuir tan.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here