Analista hosi Core Group Transparency (CGT), Juvinal Diaz

DILI, (TATOLI) – Analista hosi Core Group Transparency (CGT), Juvinal Dias, husu ba lider nasionál sira atu labele fó sala malu, maibé túr hamutuk no rona malu atu rezolve situasaun polítika iha rai-laran.

Tuir nia situasaun polítika ne’e akontese, tanba líder nasionál sira lakohi rona malu, maibé ida-idak defende sira nia polítika.

“Ita hotu hatene katak impase polítika ne’e akontese tanba Prezidente-Repúblika la fó tomada pose ba kandidatu membru Governu na’in sia”, Juvinal hato’o ba Tatoli iha Parlamentu Nasionál, segunda ne’e.

Nia hateten konkorda ho desizaun Prezidente-Repúblika nian ne’ebé hahú ona dalan foun ida katak membru Governu ne’ebé atu ukun rai ne’e tenke moos.

Ativista direitu umanu ne’e sujere ba partidu relevante katak bainhira Xefe Estadu kontinua mantein desizaun, di’ak liu hili fali pesoál balun hosi partidu ne’e rasik atu sai membru Governu, tanba ema balun iha partidu refere potensiál teb-tebes sai ministru.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here