iklan

NASIONÁL, DILI, SEGURANSA

Deskoñesidu Asaltu Rezidénsia Deputadu L7

Deskoñesidu Asaltu Rezidénsia Deputadu L7

Veteranu no eis-kombatente libertasaun nasionál, Cornelio Gama, “L7”. Foto FB: Maubere Gusmão

DILI (TATOLI) –Ema deskoñesidu kompleta ho Arma Branka, hanesan Rama Ambon, iha tuku 3H00 madrugada, halo asaltu ba rezidénsia Deputadu Partidu Libertasaun Popular, Cornelio Gama, Alias L7 iha Fatuhada.

Iha Asaltu ne’e, konsege estraga sasán hanesan; kadeira no harahun lampu ne’ebé monta iha uma oin.

Deputadu L7 informa, ema deskoñesidu asalta ami nia rezidénsia iha Fatuhada, horikalan maizumenus tuku 3H00 madrugada, sira mai ho Rama Ambon no tuda uma, inklui estraga hotu sasán.

“Sira hana rama Ambon no ami rai hela iha uma, sasán hanesan kadeira no lampu mak estragadu, maibé la rezulta ema kanek, akontesimentu ne’e kalan rua tuituir malu ona, dezde horisehik kalan no horikalan,” Eis-Gerrilleiru ne’e esplika jornalista iha Parlamentu Nasionál, ohin.

“Ha’u ne’e funu na’in no terus tan imi  maibé imi hakarak mai tuda fali uma, signifika imi hakarak buat ruma,” Eis Falintil ne’e lamenta.

“Kalan boot ona ita sempre toba la dukur, fatuk sa’e hela de’it kalén sira hodi halo tarutu tun no tarutu sa’e inklui rama ambon.”

Ho situasaun hirak ne’e, Eis Falintil, L7 husu ba Polisia Nasionál Timor-Leste (PNTL) atu halo patrullamentu rotina durante oras 24 tanba situasaun ne’e sempre mosu nafatin.

“Ha’u rona katak horikalan polisia kaptura ona ema deskoñesidu balun hodi submete ba prosesu investigasaun, maibé husu nafatin atu halo patrullamentu nafatin,” L7 sujere.

Husu mós ba ema hotu, hosi lorosa’e ka loromonu no tasi feto ka tasi mane ne’ebé mai hotu konsentra iha Dili atu presiza kontribui ba estabilidade nasionál, labele halo asaun violentu tanba uluk FALINTIL sira luta tanba povu, maibé ukun an tiha mak buka asaltu malu,  intensaun saida ?

Atu hakotu, L7 dehan, nia parte seidauk halo keixa ruma ba parte seguransa hanesan Polísia, tanba nia an rasik durante ne’e la halo inimigu ho ema ruma. Maski nune’e, nia husu polisia sira mak tenke hatene sira nia kna’ar hodi halo Atuasaun bainhira akontesimentu ruma mosu.

“Akontesimentu horikalan polisia sira atua duni situasaun no konsege kaer ema balun,” L7 hakotu lia.

Jornalista : Zezito Silva

Editór : Manuel Pinto

iklan
iklan

Leave a Reply

iklan
error: Content is protected !!