Ministru Negósiu Estranjeiru no Kooperasaun, Dionísio Babo

DILI (TATOLI)-Ministru Negósiu Estranjeiru no Kooperasaun, Dionísio Babo informa, iha posibilidade sei halo transladasaun urna eis Bispu Dioseze Dili, Dom Martinho da Costa Lopes hosi Portugal mai Timor Leste iha tinan oin.

ʺTransladasaun urnas Bispu Dom Martinho da Costa Lopes iha Portugal ne’e ita tama ona faze ikus tanba ita ko’alia ona ho parte hotu-hotu, família no dokumentus ne’ebé iha relasaun ita resolve ona,ʺ Ministru Dionísio Babo iha Palásiu Prezidensiál Bairru-Pité Dili, ohin.

Governante ne’e hateten, oras ne’e governu sei halo diskusaun téknika ki’ik balun hodi finaliza prosesu ne’e.

ʺIta espera sei iha komunikasaun di’ak no ita hein tarde liu ne’e tinan oin,ʺ Dionísio hakotu lia.

Jornalista: Agapito dos Santos

Editór : Manuel Pinto

HAKEREK NO HATÁN

Please enter your comment!
Please enter your name here