Ministru reforma Lejizlativa no asuntu Parlamentár, Fidelis Magalhães

DILI (TATOLI)—Ministru reforma Lejizlativa no asuntu Parlamentár, Fidelis Magalhães informa, programa governu da-ualu preparadu atu lori ba Parlamentu Nasionál hodi diskute no aprova tuir konstituisaun haruka hafoin governu simu pose loron tolu nulu.

ʺPrograma governu hein lori ba de’it ona tanba ne’e governu sei kumpre buat ne’ebé konstituisaun haruka,” Fidelis Magalhães  informa, ohin iha Palásiu Prezidensiál Bairru-Pité Dili, hodi responde preokupasaun públiku tanba falta tan loron sanulu resin tolu kompleta loron tolu nulu hafoin governasaun da-ualu simu pose.

Nia dehan, hafoin aprezentasaun programa, governu mós sei halo diskusaun ba orgánika governu nu’udar baze legal hodi regula servisu membru governu.

ʺPrograma iha tiha maka iha orgánika para implementa programa governu, depois ida ne’e maka orsamentu jerál estadu,” Ministru Fidelis tenik tan.

Governante ne’e husu ba públiku atu hakmatek tanba governu sei kumpre oráriu tuir Konstituisaun RDTL.

ʺHusu ba públiku atu labele preokupa tanba ami sei kumpre duni kalendáriu tuir konstituisaun RDTL dehan,ʺ Fidelis hakotu lia.

(Jornalista: Agapito dos Santos)

(Editór : Manuel Pinto)

 

HAKEREK NO HATÁN

Please enter your comment!
Please enter your name here