Koordenadora eventu korrida ró Darwin-Dili no Oekusi husi MTKI, Carmen Joela Pereira (kaer hela mikrofone) hato'o hela informasaun sobre eventu halai taru ró sanulu ne'ebé sei mai Timor-Leste. Foto/MTKIA.

DILI, (TATOLI)-Koordenadora ba eventu korrida ró Darwin-Dili no Oekusi Ministériu Turizmu, Komérsiu, Indústria no Ambiente (MTKIA), Carmen Joela Pereira, informa iha loron 21 jullu 2018 ró sanulu husi Cruising Yacht Association Northern Territory, Austrália, ne’ebé halo korrida mai Timor-Leste sei halo sail pass katak konvida timoroan atu halo paseiu hamutuk ho sira durante oras ida.

“En termu ita ministériu relavante no família sira seluk ne’ebé hakarak mak atu la’o hamutuk ho ita-nia maluk korrida-na’in sira ne’ebé mak sanulu iha ne’e, sira prontu para tula maluk sira ne’ebé atu paseiu ho sira durante oras ida”, Carmen hatete iha konferénsia imprensa ne’ebé hala’o iha Sentru Konvensaun Dili, ohin, relasiona ba eventu korrida ró ne’ebé sei hala’o iha 14 jullu ne’e.

Ho sail pass ida ne’e, koordenadora ne’e husu tenke kolabora hamutuk ho komisaun organizadora iha oras ne’ebé marka atu hamutuk iha tasi-ibun iha tuku sia.

Sail pass sei hahú iha tuku 10 iha 21 jullu. Depois de remata ida ne’e iha loron 24 iha fali segunda via ne’ebé mak ró sanulu ne’ebé hamutuk iha Dili ne’e sei korrida bá Oekusi”.

Hafoin regata (kompetisaun ró) bá Oekusi no serimónia iha parte daruak halo hotu iha fatin ne’e maka ró ida-idak sei bá fali nia fatin, balun bá Indonézai no Austrália no fatin seluk atu tuir fali kompetisaun halai nian.

Jornalista : Maria Auxiliadora

Editór : Manuel Pinto

HAKEREK NO HATÁN

Please enter your comment!
Please enter your name here