Sekretáriu Estadu Komunikasaun Sosiál (SEKOMS), Merício Juvinal dos Reis.

DILI, (TATOLI) – Sekretáriu Estadu Komunikasaun Sosiál (SEKOMS), Merício Juvinal dos Reis “Akara”, hateten prioridade dahuluk iha ninia mandatu mak hala’o diagnostika ba instituisaun hodi haree saida maka presiza hadi’a no kontinua durante governa.

ʺDianóstika ne’e hodi intende servisu saida maka la’o di’ak no obstaklu para bele halo intervensaun internálʺ, haktuir nia ba jornalista sira iha Palásiu Governu, ohin.

Instituisaun ne’e atu la’o di’ak, nia realsa tenke haree funsionamentu makina servisu internál la’o di’ak. ʺDiretór ho ninia funsionariu sira tenke servisu profesionál hodi tau interese Estadu no governu iha oin hodi la tau interese pesoál ka partidáriaʺ.

Alende ne’e, sei halo sorumutu ho mídia nain no parseiru sira hodi rona no fó opiniaun kona-ba planu dezenvolve área komunikasaun ba tinan lima.

Nune’e mos sei haree lei no dekretu lei, kontratu ho parseiru sira, hadi’a kondisaun servisu, liuliu fasilidade, rekursu umanu no seluk tán.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here