SEAMEO INNOTECH Filipina Interese Apoiu ESTV-GTI Bekora

0
106
Diretór SEAMEO INNOTECH, Ramon C.Bacani, akompaña hosi Ministériu Edukasaun nomós parte eskola observa kondisaun, oinsá bele fó apoiu iha loron ikus. Foto Agapito dos Santos

DILI, (TATOLI) – Southeast Asian Ministers of Educatio Organization Regional Centre for Educational Innovation and Technology- SEAMEO INNOTECH hosi Filipina interese atu fó formasaun rekursu umanu ba profesór sira iha Eskola Sekundária Téknika Vokasionál –Grupu Teknolójia Indústria Bekora Dili (ESTV-GTI).

Diretór SEAMEO INNOTECH, Ramon C.Bacani, hateten sira hakarak investe iha área jestaun, planeamentu hanorin no aprende iha aula ho di’ak liután.

ʺSEAMEO INNOTECH nakloke ba ita boot sira,ʺhateten Bacani Diretór bainhira hasoru malu ho estrutura ESTV-GTI Bekora ne’ebé akompaña hosi Ministériu Edukasaun iha Bekora, ohin.

Koperasaun ne’e sei estabelese bainhira Governu no ESTV-GTI manda proposta koperasaun ba organizasaun ne’e iha futuru.

Diretór ESTV-GTI Bekora, Francisco Guterres, hateten eskola tékniku vokasionál ne’e sei kontinua enfrenta problema menus profesór ne’ebé hanorin iha área eletrisidade, informasaun no teknolójia, konstrusaun sivíl, no automotif.

ʺAmi sei enfrenta problema iha rekursu umanu atu hanorin iha área tékniku”, katak.

Dirijente eskola haktuir durante ne’e hetan apoiu formasaun rekursu umanu hosi Governu Korea liuhosi ajénsia KOIKA hodi haruka profesór sira ba estuda iha Korea.

Entretantu, Organizasaun SEAMEO INNOTECH oras ne’e estabelese mós sentru iha Brunei Darusalam hodi hala’o misaun hanesan.

Jornalista: Agapito dos Santos

Editora: Rita Almeida

HUSIK IDA HATÁN