PN Autoriza PR Atu Vizita Indonézia Iha Tempu Besik

0
264
Prezidente Parlamentu Nasionál, Arão Noé, ka’er liman ho Xefe Estadu, Francisco Guterres Lú Olo, ohin, iha Palásiu Prezidente da Repúblika, Bairru-Pité.

DILI (TATOLI)—Prezidente Parlamentu Nasionál (PPN) Arão Noé informa, Parlamentu Nasionál (PN) autoriza ona vizita Prezidente Repúblika nian, ba Repúblika Indonézia hafoin toma da pose ba membru oitavu governu iha Sesta (22/06).

Arão dehan, Prezidente Repúblika halo vizita Estadu ba Indonézia nu’udar sinál pozitivu tanba entre nasaun rua bele aselera negosiasaun delimitasaun fronteira Marítima.

Vizita prezidente nia ba Indonézia ne’e fó sinál pozitivu ida atu ita bele aselera negosiasaun delimitasaun fronteira tasi entre Timor-Leste ho Indonézia hanesan ita hakotu ho Australia,” Prezidente Parlamentu Nasionál, Arão Noé ba jornalista hafoin hasoru malu ho Xefe Estadu, Lu-Olo, Ohin, iha Palásiu Prezidensiál Bairru-Pité.

Parlamentu Nasionál deklara ona ba Prezidente Repúblika, Lu-Olo katak konkorda ba dezlokasaun Xefe Estadu nia ba Indonézia hanesan nasaun viziñu.

“Ami informa ba prezidente tanba pedidu tama horibainrua ba parlamentu kona-ba prezidente nia dezlokasaun hodi halo vizita ofisiál ba Indonézia no ami tau ona iha ajenda atu halo aprovasaun aban liuhosi plenária estraordináriu,” nia garante.

Entretantu, tuir ajenda, Prezidente Repúblika, Lu-Olo sei ba vizita Indonézia iha loron, 27 to’o 30 Juñu.

Jornalista : Zezito Silva

Editór : Manuel Pinto

HUSIK IDA HATÁN