PM Fiar Xanana Sei La Abandona ZEESM

2
547
Prezidente Autoridade Rejiaun Administrativa Espesiál Oekusi Ambenu (RAEOA) no Zona Espesiál Ekonomia Sosiál Merkadu (ZEESM), Marí Alkatiri.

OEKUSI, (TATOLI) – Primeiru-Ministru, Marí Alkatiri, hatete fundadór Zona Espesiál Ekonomia Sosiál no Merkadu (ZEESM), Xanana Gusmão, sei la abandona projetu ne’e iha Rejiaun Administrativa Espesiál Oekusi Ambenu (RAEOA).

“Ha’u fiar ami rua ne’ebé hahú prosesu Oekusi sei la husik monu”, dehan Alkatiri iha salaun alfándega Oekusi, ohin.

Alkatiri hato’o asuntu ne’e relasiona ho relasaun pesoál ho Xanana Gusmao ladun la’o di’ak tanba kestaun polítika, maibé ba dezenvolvimentu RAEOA sei la’o di’ak iha futuru.

Tuir Alkatiri maske oras ne’e la halo kontaktu ho Xanana, maibé fiar sei hadi’a relasaun iha futuru. “Ami rua la ko’alia ba malu maibé iha loron ida sei di’ak malu fali hodi hateke ba povu nia moris di’ak”.

Bainhira atu lidera REAOA hodi kontinua implementa ZEESM tenke iha relasaun di’ak ho governu sentrál.

“Ha’u sei la abandona no ha’u sei fó hatene ba lideransa tomak katak klima konfrontasaun sei la ajuda dezenvolvimentu”, afirma.

Jornalista: Agapito dos Santos

Editora: Rita Almeida

2 COMMENTS

  1. se iha posibilidade atu troka bele troka Dr. Mari Alkatiri maibe pesoal ne’ebe sei ba troka tenke iha kapasidade hanesan Dr. Mari Alkatiri kona ba jestaun iha area hotu hotu iha RAEOA atu nune’e bele kontinua halao dezenvolvimentu iha RAEOA no kontinua ba fali distritu sira seluk iha teritoriu Timor Leste Tomak.

HUSIK IDA HATÁN