Nu’udar Opozisaun FRETILIN Sei La Hamonu Governu

0
681
Primeiru-Ministru, Mari Alkatiri.

DILI (TATOLI)—Sekretáriu Jerál Partidu FRETILIN, Mari Alkatiri promete katak, FRETILIN nu’udar opozisaun sei la hatún oitavu governu, maibé se governu monu keta fó kulpa ba FRETILIN

“Nu’udar opozisaun, ami sei halo kontrolu no FRETILIN sei la hatún governu, maibé bainhira governu ne’e la dura, ne’e kulpa sira nia rasik”, atuál Primeiru-Ministru (PM), Marí Alkatiri informa ba jornalista sira hafoin hala’o enkontru ho membru governu ne’ebé nia lidera iha Palásiu Governu, ohin.

Nu’udar primeiru ministru nia dehan, governu ne’ebé forma hosi koligasaun FRETILIN ho PD lá konsege dura no durante governasaun iha fulan hira nia laran ne’e uza de’it rejime duodecimal no hodi garante mákina estadu, maibé governu ne’e konsege halo serbisu lubun inklui halo no desizaun importante liuhosi reuniaun Konsellu Ministru no mantein relasaun ho nasaun parseiru sira hodi dezenvolve rai Timor.

Estraordináriu ida mak sétimu governu ne’ebé lidera hosi Mari Alkatiri konsege jere osan ho di’ak hodi selu tusan balun ne’ebé iha.

“Ami halo enkontru ida relaxadu, atu ko’alia tuir nesesidade hamutuk. Sétimu governu sei sai governu sombra ba oitavu governu. Signifika la’ós sobra para hanoin kontra de’it, maibé atu garante boa governasaun, transparénsia, no rezultadu iha governasaun nune’e bele benefísiu ba povu nia vida.”

Jornalista: Julia Chatarina

Editór : Manuel Pinto

HUSIK IDA HATÁN