Hakbesik An ba Funsionáriu Hodi Hatene Di’ak Funsionamentu Serbisu

0
184
Reuniaun dahuluk Sekretáriu Estadu Kooperativa, Arsenio Pereira da Silva ho funsionáriu no kargu xefia sira. Foto/Facebook Sekretáriu Estadu Kooperativa.

DILI, (TATOLI) – Sekretáriu Estadu Kooperativa, Arsénio Pereira da Silva, iha knaaar dahuluk nian hakbesik an ba funsionáriu sira husi Diresaun Jerál Kooperativa no departementu atu hatene di’ak liután funsionamentu serbisu ne’ebé iha.

“Hanesan parte ida oinsá ha’u bele hakbesik mós ba funsionáriu kooperativa sira atu haree diretamente serbisu”, Arsénio afirma iha Bairru-Pité, ohin, bainhira remata vizita ida iha departamentu ne’ebé hakmahan-an iha diresaun jerál nian.

Aleinde ne’e uza mós oportunidade hodi hasoru malu ho serbisu-na’in iha Federasaun Hanai Malu ne’ebé iha kooperativa produtiva barak mak haknaar-an iha okos.

“Sira halo kulinária no hakarak liu para depois hatene mós no diretór nomós funsionáriu sira halo esplikasaun uitoan kona-ba lala’ok serbisu nomós iha kooperativa ne’ebé funsionáriu sira mak harii ne’ebé mak bele emprega ema no ida ne’e parte ida ne’ebé di’ak tebes”.

Hatutan nu’udar Sekretáriu Estadu ne’ebé foin simu pose husi Prezidente Repúblika iha loron 22 juñu 2018 no seidauk hala’o knaar kleur, maibé tenke hakbesik-an uluk ba sira atu hatene didi’ak lala’ok serbisu kooperativa nian.

Jornalista: Maria Auxiliadora

Editora: Rita Almeida

HUSIK IDA HATÁN