DOT Juñu 2018 Hamutuk Millaun 114.2

0
135
Foto/MF.

DILI, (TATOLI)-Ministériu Planu no Finansas (MPF) distribui ona Dotasaun Orsamentu Temporáriu (DOT) juñu 2018 ho totál alokasaun hamutuk dólar millaun 114.2 ne’ebé hetan aumentu porsentu neen kompara ho duodésimu maiu hamutuk millaun 105.4 ne’ebé hetan redusaun porsentu 7.5.

Hosi totál millaun 114.2 ne’ e bainhira esklui tiha empréstimu esternu, sei reprezenta ho montante dólar millaun 105.8 de’it.

Tuir portál MPF ne’ebé TATOLI asesu ohin, distribuisaun DOT ne’e ba responsavel sira husi liña ministeriál, instituisaun Estadu no Ajénsia Autónoma sira atubele utiliza ba fulan ne’e durante vijénsia períodu duodesimál.

“En jerál kresimentu ne’e tau ona iha konsiderasaun atividade balun ne’ebé identifikadu hodi fó atensaun iha ezekusaun fulan-juñu nia laran inklui finaliza pagamentu atividade eleisaun no transferénsia ba RAEOA”, katak komunikadu ne’e.

Durante períodu janeiru to’o maiu 2018, alokasaun DOT kada fulan kobre de’it despeza ida durante períodu la liu fulan ida no dotasaun orsamentál labele liu um doze avos (1/12) husi orsamental ne’ebé defini tiha ona tuir Lei Orsamentu Jerál Estadu tinan kotuk hó nu.13/2016 no haktuir artigu nu.31 Lei Orsamentu no Jestaun Finanseira No.13/2009.

Sumáriu alokasaun pur kategoria bele haree iha kuadru tuirmai ne’e :

Jornalista : Maria Auxiliadora

Editór : Manuel Pinto

HUSIK IDA HATÁN