Camões-IP Sei Aprezenta PFMO

0
85

DILI, (TATOLI) – Institutu Camões-IP, Portugal, aban, sei hala’o sesaun públika ba aprezentasaun projetu ”Parseria hodi hadi’ak prestasaun servisu liuhusi reforsu Jestaun no Supervizaun Finansas Públika iha Timor-Leste (PFMO)”.

Objetivu PFMO nian mak kontribui ba dezenvolvimentu sustentável iha Timor-Leste (TL).

Aprezentasaun sei hala’o iha sala konferénsia Hotel Timor no marka prezensa husi reprezentante oradór nasionál mak Parlamentu Nasionál, Sekretária Estadu Prezidénsia Konsellu Ministru no Komunikasaun Sosiál, Unidade Auditória Sosiál, Komisaun Anti-Korupasaun, Polísia Sientífika Investigasaun Kriminál, Inspesaun Jerál Estadu nian, Tribunál Rekursu/Câmara de Contas, Prokuradória Jerál Repúblika nian no FONGTIL, inklui mós Xefe Delegasaun husi Uniaun Europeia, Embaixadór Alexandre Leitão, Embaixadór Portugal, José Pedro Machado Vieira no Vise Prezidente Camões IP., Gonçalo Teles Gomes.

“PFMO mak projetu ida ne’ebé finansiadu hamutuk husi Uniaun Europeia tuir ámbitu 11.º husi Fundu Dezenvolvimentu Europeu nian (12 milhões EUR) no husi Camões – Instituto da Cooperação e da Língua, I.P. rasik mak (600 mil EUR), no sei implementa husi Camões, I.P,” refere komunikadu Camões-IP, ba ajénsia TATOLI, ohin.

PFMO nia objetivu seluk mak kontribui ba dezenvolvimentu sustentável iha Timor-Leste, liuhusi reforsa planeamentu, jestaun, monitorizasaun, auditória, responsabilizasaun no supervizaun ba finansas públika, para asegura prestasaun ba servisu públiku sai efikaz, integradu, transparente, responsável no orienta duni ba sidadaun sira nu’udar benefisiáriu.

Jornalista: Rafy Belo

HUSIK IDA HATÁN