Adia Pose Ba Filomeno Paixão Tanba Seidauk Ezonera

0
460
Xefe Estadu Maiór FALINTIL-Forsa Defeza Timor-Leste (F-FDTL), Majór Jenerál Lere Anan Timur

DILI (TATOLI)–Xefe Estadu Maiór FALINTIL-Forsa Defeza Timor-Leste (F-FDTL), Majór Jenerál Lere Anan Timur hateten Brigadeiru Jenerál, Filomeno Paixão, seidauk simu tomada pose nu’udar Ministru Defeza ba Governu Da-Ualu Konstitusionál tanba komplikasaun iha lei.

“Governu presiza husu fali Prezidente Repúblika atu ezonera Brigadeiru Filomeno hosi ninia kargu maka foin bele renúnsia hosi F-FDTL. Molok Prezidente ezonera, tenke konvoka fali reuniaun Konsellu Superiór Defeza no Seguransa,” Lere hato’o kestaun ne’e ba jornalista sira iha Palásiu Prezidente Nicolau Lobato, Bairru Pité, Dili, Tersa ne’e, hafoin enkontru ho Prezidente Repúblika, Francisco Guterres Lú Olo.

Tuir Lere katak reforma ne’e ema ida nia direitu, tan ne’e sé de’it labele impede.

“Brigadeiru Filomeno husu reforma no ha’u nu’udar Xefe Estadu Jenerál aprova tiha ona ninia pedidu reformasaun ne’e. Maibé tanba kestaun ierárkia instituisaun, ha’u tenke haruka ba Governu no haruka mós mai iha Prezidente Repúblika atu halo ezonerasaun mandatu,” nia esplika.

Iha biban ne’e, Lere informa, objetivu enkontru ho Prezidente Repúblika ko’alia kona-ba dezlokasaun Prezidente Repúblika ba Indonézia, kuarta (aban).

Nia haktuir, nia mós akompana Xefe Estadu ba Indonézia no delega Brigadeiru Jenerál, Filomeno Paixão, nu’udar responsável jerál interinu ba F-FDTL.

Jornalista: Xisto Freitas

Editór : Manuel Pinto

HUSIK IDA HATÁN