Aban, PR Enkontru ho Parpol Kona-ba Indizitasaun Primeiru-Ministru

0
827

DILI (TATOLI)—Prezidente Repúblika (PR), Francisco Guterres Lú Olo, sei hala’o enkontru ho líder partidu polítiku (parpol) no koligasaun partidária sira iha Palásiu Prezidente Nicolau Lobato, Bairru Pité, Dili, Tersa (aban).

Informasaun ne’e hato’o hosi Mídia Prezidénsia Repúblika ne’ebé Ajénsia Tatoli asesu iha segunda lororaik ne’e.

Objetivu enkontru ne’e, Prezidente Francisco Guterres Lú Olo, hakarak ko’alia ho lideransa partidu sira  kona-ba indizitasaun Primeiru-Ministru VIII Governu Konstitusionál.

Oráriu soru-mutu ho xefe Estadu maka hanesan: Aliansa Mudansa ba Progresu (AMP) sei hala’o iha oras 09h00, FRETILIN 10h30, Partidu Demokrátiku (PD) 14h30 no Frenti Dezenvolvimentu Demokrátiku (FDD) iha tuku 16.00.

Jornalista: Xisto Freitas

Editór : Manuel Pinto

HUSIK IDA HATÁN