iklan

NASIONÁL, POLÍTIKA

Aban Mak PN Deside Loron Sesaun Lejislatura Da-Lima

Aban Mak PN Deside Loron Sesaun Lejislatura Da-Lima

Uma Fukun Parlamentu Nasionál. Imajen/Espesiál

DILI, (TATOLI) – Sekretáriu Jerál Parlamentu Nasionál (PN), Adelino Afonso de Jesus, hatete reuniaun bankada parlamentár ne’ebé sei akontese aban, (6/6) tuku 15.00 mak sei deside loron sesaun dahuluk ba lejislatura da-lima.

“Tuir Prezidente Parlamentu Nasionál (PPN), Aniceto Guterres, katak iha 13 juñu ba reuniuan lejislatura da-lima, maibé sei konfirma iha reuniaun bankada parlamentár hodi hatene data fiksu loloos”, Adelino Afonso de Jesus ba jornalista sira iha Parlamentu Nasionál, ohin.

Adelino haktuir Prezidente PN sesante, Aniceto Guterres, horisehik halo ona konvokatóriu ho lider bankada parlamentár ne’ebé ko’alia kona-ba sesaun dahuluk ba lejislatura da-lima nian no nia fó opiniaun katak iha loron 13 juñu mak bele hahú reuniaun ba sesaun primeiru iha lejislatura foun.

Antes ne’e, Prezidente Bankada Kongresu Nasionál Rekonstrusaun Timorense (CNRT-sigla portugés), Arão Noe, hateten se sesaun dahuluk ba lejislatura foun iha 12 juñu, signifika Prezidente PN kumpre rejimentu katak hafoin publikasaun rezultadu eleisaun iha Jornál Repúblika, iha loron 15 nia laran tenke halo ona konvokatóriu.

Entretantu, preparasaun PN nian antes semana hirak liu ba preparadu hanesan aruma sasan iha meza parlamentu no seluk tan, tanba presiza halo atendimentu ba deputadu foun.

Jornalista: Zezito Silva

Editora: Rita Almeida

iklan
iklan

Leave a Reply

iklan
error: Content is protected !!