Prezidente Tribunál Rekursu, Deolindo dos Santos

DILI, (TATOLI) – Tribunál Rekursu (TR) Timor-Leste sei sai uma nain ba enkontru prezidente Tribunál Konta hosi nasaun sira ne’ebé  ko’alia lian portugés (CPLP-sigla portugés) iha setembru 2018 iha Dili.

Prezidente Tribunál Konta hosi nasaun CPLP ne’e kompostu hosi Portugal, Brazil, Angola, Guiné Bissau, Mozambique, São Tomé e Principe, Cabo-Verde, Timor-Leste no Guiné Equatórial.

Prezidente Tribunál Rekursu, Deolindo dos Santos, hateten ninia parte sei hala’o preparasaun. ʺIta sei realiza eventu boot ne’eʺ, dehan nia hafoin husu apoiu hosi Primeiru-Ministru, Taur Matan Ruak, ba eventu ne’e ohin iha Palásiu Governu.

Xefe Governu promete sei fó apoiu ba instituisaun ne’e hodi realiza eventu internasionál ne’e ho susesu.

“Primeiru-Ministru fó resposta positivu tebes, tanba eventu ne’e primeiravez realiza iha ne’e, ne’e sei hetan apoiu másimu hosi gabinete Primeiru-Ministruʺ.

Entretantu Timor-Leste sai membru Tribunal Konta iha setimu asembleia Prezidente Tribunál Kontas iha Lisboa Portugal iha outobru 2012.

Jornalista: Agapito dos Santos

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here